Rydyn ni wedi creu canllaw i’r anrhegion Nadolig gorau, gyda rhywbeth ar y rhestr at ddant pawb.
Mae’r Nadolig yn nesáu, ac mae’n bryd dod o hyd i’r anrhegion perffaith i dy anwyliaid. Eleni, pam nad ei di gam ymhellach gyda rhai o’r anrhegion technolegol mwya’ poblogaidd, a’r rheini sy’n sicr o olygu mai ti yw’r ffefryn y Nadolig hwn?
🚁I bobl sy’n dwli ar dechnoleg
📽️I’r bobl sy’n ffoli ar ffilmiau
📱I’r cyfaill cymdeithasol
💪 I’r ffan ffitrwydd
🎧 I’r carwr cerddoriaeth
✍️I’r gweithiwr proffesiynol prysur
🦉I mam-gu a tad-cu
🕺I’r diddanwr
🎮I’r chwaraewr gemau
Dyfais newydd wych sy’n sicr o greu argraff – drôn sy’n cael ei reoli o bell sydd ar frig ein rhestr o argymhellion. Gyda’r gallu i rasio â dy ffrindiau ar gyflymder o hyd at 100 milltir yr awr, neu greu ffotograffau a fideos rhyfeddol o’r awyr (hyd yn oed mewn 1080P HD), mae dronau’n berffaith i’r bobl sy’n gwirioni ar dechnoleg yn dy fywyd.
Dydy taflunyddion ddim fel y rheini a fyddai’n cael eu rowlio mas yn yr ysgol gynradd. Maen nhw bellach yn bethau sydd wedi’u dylunio’n wych ac yn llawn technoleg ardderchog, a honno’n rhoi lluniau siarp a lliwgar, y tu mewn a’r tu allan i’r tŷ. Gyda Bluetooth a’r gallu i weithio’n ddi-wifr, bydd modd paru’r taflunydd newydd â ffyn ffrydio a chonsolau chwarae gemau. Bydd dy gyfaill sy’n hoffi ffilmiau yn cael modd i fyw wrth greu argraff ar deulu a ffrindiau yn ystod nosweithiau ffilm, gan ddod â’r sgrîn fawr i’r cartre.
Oes gen ti ffrind neu rywun yn y teulu sydd wedi diflasu ar hen luniau digidol ar ei ffôn? Gyda’r argraffwr bach ond grymus hwn, mae modd troi atgofion digidol yn ffotograffau go iawn – heb fod angen unrhyw wifrau niwsans. Ble bynnag maen nhw, bydd modd argraffu atgofion hapus o gyfnodau gyda ffrindiau a theulu.
Helpa dy anwyliaid i gyflawni eu hadduned Blwyddyn Newydd drwy roi tylinydd cyhyrau iddyn nhw. Mae’r modur hynod o dawel yn creu dirgryniadau grymus i gael gwared ar boen a thensiwn yn y cyhyrau, sy’n golygu bod modd parhau i gyrraedd y milltiroedd a chodi’r pwysau. Os yw rhywun rwyt ti’n ei nabod yn caru’r gampfa (neu’n dymuno gwneud hynny), bydd y tylinydd cyhyrau hwn yn anrheg perffaith.
Mae’n bryd troi cefn ar geblau trafferthus a rhoi rhyddid di-wifr yn anrheg y Nadolig hwn, a hynny gyda chlustffonau di-wifr. Gyda dyluniadau trawiadol, ansawdd sain gwych, a’r gallu i ddal dŵr (sydd i gyd bellach ar gael yn rhad), bydd modd i dy gyfaill fwynhau cerddoriaeth a phodlediadau yn mhobman, unrhyw bryd.
Dyma help i wneud nodiadau mewn ffordd well, drwy lechen ddigidol. Mae’r llechen e-inc main hwn yn efelychu papur a beiro. Mae’n gwneud hynny’n ddi-oed, gan deimlo fel papur go iawn. Mae’n cadw nodiadau’n drefnus ac yn cydamseru’n awtomatig drwy’r cwmwl. Dyma gyfle i gael gwared ar lanast ar ddesgiau, ond gan gadw hyblygrwydd nodiadau mewn llawysgrifen. Mae’n anrheg perffaith i’r sawl sy’n dymuno gwneud gwir argraff yn y gwaith.
Helpa nhw i gadw golwg ar fywyd gwyllt yr ardd gefn gyda’r bwydwr adar clyfar hwn. Mae’r ddyfais, sy’n cael ei rhedeg gan ddeallusrwydd artiffisial, yn mynd ati’n awtomatig i ganfod a thynnu lluniau o adar sy’n ymweld, a hynny mewn manylder eithriadol. Bydd hysbysiadau ar gael yn y fan a’r lle, ynghyd â lluniau sy’n ymdebygu i hunluniau er mwyn gallu gweld yr adar yn agos iawn. Mae’r ddyfais gweithio yn y tywyllwch hefyd, drwy dechnoleg isgoch, ac mae’n gallu tynnu lluniau o greaduriaid y nos heb darfu arnyn nhw. Perffaith i bawb sy’n hoff o fyd natur.
Rho anrheg Nadolig unigryw i ffrind neu rywun annwyl eleni! Rhyfedda nhw drwy neges fideo bersonol gan eu hoff seren enwog ar Cameo. Mae modd gofyn am negeseuon arbennig gan actorion, athletwyr, cerddorion a phobl ddylanwadol y Nadolig hwn – negeseuon unigryw, personol (y byddi di’n eu dewis). Maen nhw’n sicr o wneud i bobl wenu fel giât.
Bydd gêm newydd Meta Quest 3 yn mynd â gemau VR i’r lefel nesaf gyda gwell graffeg, perfformiad gwibiol o gyflym, a rheolwyr sy’n rhoi adborth cyffyrddiadol realistig. Gyda chytunedd am yn ôl, bydd modd parhau i fwynhau gemau mewn gwell ansawdd. Mae’r caledwedd gwell yn arwain at fydoedd trochi newydd i’w harchwilio. Bydd unrhyw un sy’n gwirioni ar VR wrth ei fodd â’r diweddariad arloesol hwn.
Efallai fod dod o hyd i’r anrhegion perffaith i dy anwyliaid yn teimlo fel tipyn o her, ond paid ag ofni dim! Mae ein canllaw gwych i anrhegion yn 2023 wedi cyrraedd, i sicrhau mai ti fydd yr arwr y Nadolig hwn.
Nawr, pwy sydd heb deimlo rhwystredigaeth fore Nadolig wrth ddeffro i weld tomen o anrhegion ond heb y batris cywir i chwarae ’da’r teganau newydd? Yn y byd heddiw, y siom gyfatebol yw band eang nad yw’n gallu ymdopi ’da’r holl dechnoleg wych sydd gennyn ni. Paid â gadael i gysylltiad ara’ deg ddifetha hwyl yr ŵyl!
Felly dyma air i gall: ystyria roi boreau Nadolig di-straen yn anrheg, a hynny drwy fand eang ffeibr llawn. Dychmyga ffrydio di-baid, gemau llawn gwib, a galwadau fideo dirwystr ’da anwyliaid. Mae’n bryd dweud hwyl fawr wrth boen y byffro! Dere i weld a yw Ogi ar gael yn dy ardal di, a diweddara i fand eang ffeibr llawn er mwyn cael tymor o wyliau sy’n llawn dop o ryfeddodau technolegol. Wedi’r cyfan, does dim yn well nag agor anrheg a mwynhau’r hwyl a’r sbri yn y fan a’r lle!
