Gall gweithio neu astudio gartref, siopa ar-lein neu giwio’n amyneddgar ar gyfer tocynnau gŵyl fod yn boen pan nad yw’r rhyngrwyd digon cyflym. Mae dod o hyd sut i gael y gorau o’r rhyngrwyd bellach yn gymaint o flaenoriaeth â gwirio bod gennyt laeth yn yr oergell. Gad i ni weld beth sydd y tu ôl i’r cyfan ac, yn bwysicach, sut y gallwn gyflymu pethau.
Yn 2019, yn ôl profion cyflymder defnyddwyr a gasglwyd gan safle cymharu prisiau uSwitch, cyflymder wifi cyfartalog y DU oedd 54.2Mbps, gyda phumed o gartrefi yn dal i gael trafferth gyda chyflymder o lai na 10Mbps. O ran darganfod pa gyflymder sydd ei angen arnoch, mae gennym awgrymiadau yn dibynnu ar yr hyn rwyt ti’n neud ar y we.
Os wyt ti’n treulio’r rhan fwyaf o dy amser ar-lein yn ffrydio cynnwys HD llawn (sioeau teledu ar Netflix, ffilmiau ar Disney+, ac ati), argymhellir bod angen 5Mbps arnat i wneud hyn yn llwyddiannus. Oni bai dy fod yn bwriadu ffrydio i sawl dyfais ar unwaith, ac os felly bydd angen rhywbeth cyflymach arnat.
Symud i fyny i 4K HD Ultra (tua 4x ansawdd HD llawn, fel arfer cynnwys premiwm ar Netflix, Apple TV, YouTube a llwyfannau hapchwarae) yna bydd angen 25Mbps ar un ffrwd, ac ar gyfer dyfeisiau lluosog ffrydio ar yr un pryd, mae angen ystyried buddsoddi mewn cyflymderau lawrlwytho o leiaf 200Mbps, a ddylai weithio i’r rhan fwyaf o aelwydydd.
Mae’n bwysig cofio nad yw cyflymder ‘uchafswm’ yn warant. Dylai dy gontract Darparwr Gwasanaeth Rhyngrwyd (ISP) roi gwybod i ti beth yw’r cyflymder uchaf, a’r cyflymder sylfaenol maent yn ei gynnig i ti.
Gad i ni ddefnyddio ein contract ein hunain fel enghraifft. Yn Ogi ryn ni yn cynnig tri phecyn gwahanol i’n cwsmeriaid cartref, Ogi 150, Ogi 300 ac Ogi 900; pob un wedi’i gynllunio i weddu i anghenion gwahanol ein cwsmeriaid. Gan edrych ar Ogi 300, mae’r pecyn hwn ar gyfer cartrefi digidol prysur gyda chynhwysedd ar gyfer hyd at ugain o ddyfeisiau a chyflymder lawrlwytho cyfartalog o 300Mbps (cyflymder lawrlwytho lleiafswm 150Mbps).
Gyda chyflymder fel hyn, ni ddylet brofi problem gyda chyflymder gyda phecyn ffibr llawn Ogi, ond os wyt ti yna mae tipyn gallet wneud i ddatrys pethau:
Gall waliau, cypyrddau a hyd yn oed silffoedd llyfrau effeithio ar y signal wifi. Trwy symud y llwybrydd, gallet wneud gwahaniaeth gwirioneddol i’r cyflymderau a pha mor bell y gall ei drosglwyddiadau diwifr gyrraedd. Bydd y man perffaith yn dibynnu ar dy gartref, ond ceisia beidio â chuddio’r llwybrydd mewn cornel, neu o dan gwpwrdd, neu y tu mewn i ddrôr – y mwyaf canolog ac amlwg ydyw, y gorau. Paid â chymryd yn ganiataol bod yn rhaid i’r llwybrydd Ogi newydd fynd lle’r oedd dy hen linell ffôn. Mae hyn i gyd yn wir am yr estynwyr wifi hefyd. Symuda nhw o gwmpas y tŷ i sicrhau y signal gorau i’r tŷ cyfan.
Nawr, mae’n bwysig deall y gallai symud y llwybrydd i rywle mwy amlwg olygu bod yn rhaid i ti fod yn greadigol gyda’r ceblau, ond, gan gymryd yr amser i ddod o hyd i’r safle perffaith ar gyfer y llwybrydd, a threulio’r amser i reoli gorymdaith y cebl bydd yn arwain at gysylltedd diogel yn y dyfodol, lle bydd y llwybrydd yn elwa o gael y cartref delfrydol.
Bydd dy ddarparwr gwasanaeth yn darparu llwybrydd newydd, ond mae’n werth cofio y gall oedran y dyfeisiau yn y tŷ hefyd effeithio ar gyflymder dy gysylltiad rhwydwaith, ond, yn ogystal â dyfeisiau personol, mae offer a gyflenwir i ti yn heneiddio hefyd! Yr argymhelliad cyffredinol yw dy fod yn uwchraddio i lwybrydd newydd bob tair i bedair blynedd. Felly cadwa hynny mewn cof wrth geisio gwella dy gyflymder wifi!
Os rwyt ti’n gweithio ar liniadur neu ar gyfrifiadur bwrdd gwaith, y sefyllfa ddelfrydol fyddai defnyddio cebl ethernet i gysylltu’r dyfeisiau hynny â’r rhyngrwyd. Rwyt ti bob amser yn sicr o gysylltiad cryf, cyflym, a mwy dibynadwy pan fydd dy ddyfais wedi cysylltu trwy gebl ethernet.
Yn amlwg, mae wifi yn wych, ac mae wedi newid y ffordd y gallwn ddefnyddio’r rhyngrwyd. Yn dal i fod, bydd amser a lle bob amser ar gyfer ceblau ethernet, boed hynny ar gyfer gemau ar-lein, neu gynnwys ffrydio byw, sy’n gofyn am gysylltiad mwy sefydlog.
Os wyt ti’n profi cyflymderau araf ar “oriau brig” a dim ond wedyn, efallai ei bod yn werth ystyried faint o bobl yn y cartref sy’n defnyddio’r rhwydwaith ar yr un pryd. Fodd bynnag, os nad yw dy gyflymderau yn cyrraedd y grafu drwy gydol y dydd, mae angen i ti fonitro cyflymder drwy gydol y dydd, dros ychydig ddyddiau. Bydd hyn yn rhoi gwell dealltwriaeth o’r cyflymder sydd ar gael yn rheolaidd. Os wyt ti wedi gwneud dy gartref mor gyfeillgar ar gyfer cysylltedd cyflym â phosibl, mae’n bryd cysylltu â’r darparwyr.
Os wyt ti’n aelod o deulu Ogi ac yn profi trafferth gyda dy gysylltiad rhyngrwyd, mae gennym ein profwr cyflymder rhyngrwyd ein hunain i helpu! Cer ymlaen a profa dy gyflymder. Os wyt ti’n brwydro gyda’r cyflymder, gwna’n siŵr dy fod yn gwirio sawl gwaith y dydd, ar wahanol adegau (nid amseroedd gweithredol yn unig!) a dros ychydig ddyddiau a rho wybod i ni trwy gysylltu.
