Fy offer Ogi

Os wyt ti’n gwsmer Ogi 150, Ogi 300 neu Ogi 900 fe fyddi di’n cael ONT Nokia (dyna’r bocs bach ar y wal, lle mae’r ffeibr yn dod mewn i’r cartref…)

Fe fyddi di hefyd yn cael:

• 1x llwybrydd wifi Zyxel EX3301 os wyt ti’n gwsmer Ogi 150
• 2x lwbrydd wifi mesh eero 6 os wyt ti ar becyn Ogi 300
• 2x lwybrydd wifi mesh eero 6 Pro gyda’r gwasanaeth Ogi 900.

Mae cwsmeriaid Ogi Alt yn cael llwybrydd/ion Zyxel mewn pryd ar gyfer gosod y gwasanaeth.

Mae rhagor o wybodaeth am dy wifi ar y dudalen Ein gwasanaethau.

Wrth gwrs. A diolch i ti am wneud hynny – mae’n well i’r amgylchedd.

Gan fod ein offer wifi yn rhan o’n pecynnau cyffredinol, dyw gwneud hyn ddim yn newid cost dy ffi misol i Ogi, ond mi wnawn ni roi Taleb Eco Ogi i ti i ddiolch i ti am helpu’r blaned.

Rho wybod ar 029 2002 3200 neu cymraeg@ogi.cymru.

Byddwn ni’n gyrru pecyn postio i ti i ddychwelyd yr offer atom ni, ac yn gyrru offer newydd atat.

Os wyt ti wedi difrodi’r offer, yna bydd angen i ni godi arnat ti am gost yr offer newydd.

Cysyllta ar 029 2002 3200 neu cymraeg@ogi.cymru ac mi wnawn ni weld be sy’n mynd mlaen.

Os oes angen gyrru Peiriannydd Ogi mas i weld yr offer, yna mi wnawn ni drefnu bod hynny’n digwydd. Yn anffodus, os yn nhw’n taro draw a bod dim problem amlwg, yna falle bydd angen i ni godi ffi arnat ti am yr ymweliad.

Os oes angen cyfnewid dy offer heb ymwelid yna byddwn ni’n gyrru pecyn postio i ti i yrru dy hen offer atom ni, a byddwn ni’n gyrru offer newydd yn y post mas i dy gyfeiriad. Os wyt ti ddim mewn cytundeb cyfnod-benodol yna efallai y bydd cost bychan am y gwaith o drefnu hynny a’r costau postio.

Fe alli di ddefnyddio dy ap eero mobile yn gyflym ac yn rhwydd i reoli dy ddyfeisiau eero. Mae adran wych ar wefan eero hefyd i ddatrys problemau a chael cymorth, ac os na alli di ddod o hyd yn syth i’r hyn rwyt ti’n chwilio amdano, rho gynnig ar y botwm chwilio (ar dop y dudalen). 

Rho’r cyfeiriad http://192.168.1.1 yn dy borwr (mae i’w weld ar gefn dy lwybrydd i dy atgoffa), yna mewngofnoda gan ddefnyddio dy enw defnyddiwr a dy gyfrinair diweddaraf. Os dyma’r tro cyntaf i ti fewngofnodi ac nad wyt ti wedi gosod y rhain o’r blaen, admin fydd yr enw defnyddiwr a’r cyfrinair fydd hwnnw sydd i’w weld ar gyfer mewngofnodi ar gefn y llwybrydd. Bydd gofyn i ti wedyn greu dy gyfrinair dy hun ar gyfer rheoli ar-lein. 

Mae dy gysylltiad wifi yn gyfuniad o ddwy sianel: 2.4GHz a 5GHz. Dim ond â’r sianel 2.4Ghz y bydd rhai dyfeisiau (technoleg hŷn gan amlaf) yn gallu cysylltu, sy’n arafach na’r sianel 5Ghz. Wrth eu rhannu yn ddwy sianel ar wahân, bydd dy ddyfeisiau 2.4Ghz wedyn yn defnyddio eu sianel arafach eu hunain, tra bydd modd i dy ddyfeisiau cyflym yn unig ddefnyddio dy sianel 5Ghz. ‘Rhannu’r SSID’ yw’r enw ar hyn, ac fe ddylai wella’r gwasanaeth ar ddyfeisiau cyflym ac araf. 

Pan fyddi di’n rhannu’r SSID, mae modd cuddio neu ddiffodd dy sianel 5Ghz fel mai dim ond dyfeisiau 2.4Ghz sy’n cysylltu. Yna mae modd troi’r 5Ghz yn ôl ymlaen (neu ei ddatguddio) er mwyn i dy dyfeisiau cyflymach gysylltu. 

• Os oes gen ti lwybrydd Zyxel, mae modd rhannu dy SSID drwy newid y gosodiadau ar banel rheoli ar-lein Zyxel (Web GUI). 
• Os oes gen ti lwybrydd eero, mae modd rhannu’r sianeli gan ddefnyddio’r ap. Mae modd datrys problemau wrth geisio cysylltu dyfeisiau (a phroblemau eraill) drwy fynd i ‘Settings’ ac yna ‘Troubleshooting’.  

Os na fydd un o dy lwybryddion eero eilaidd ar-lein (un sydd heb ei gysylltu’n uniongyrchol â’r bocs cysylltu), rho gynnig ar ei ddiffodd ac yna’i droi yn ôl ymlaen. Os na fydd hynny’n gweithio, ceisia’i symud i’r un ystafell â dy brif lwybrydd. Tro’r llwybrydd ymlaen eto, ac aros 2-3 munud i weld a fydd yn dod yn ôl ar-lein. Ac os na fydd hynny’n gweithio, cysyllta’r llwybrydd â dy brif lwybrydd gan ddefnyddio cebl Ethernet a rhoi cynnig arall arni.

Bydd gan dy gysylltiad gyfeiriad IP unigryw, ac mae holl gyfeiriadau IP Ogi wedi’u cofrestru yn y Deyrnas Unedig. Dylai gwefannau adnabod hyn a dy arwain yn awtomatig i’r fersiwn yn y Deyrnas Unedig. Os na fydd hynny’n digwydd, dyma rai pethau i roi cynnig arnyn nhw.  

• Diffodda’r bocs cysylltu du ar dy wal (yr ONT) am 30 munud. Pan fyddi di’n ei roi yn ôl ymlaen, mae’n debygol o roi cyfeiriad IP gwahanol i ti, gan ddatrys y broblem. 
• Cliria’r storfa ar unrhyw ddyfeisiau sy’n cael y broblem ’da’r lleoliad, i sicrhau nad yw’r wybodaeth anghywir wedi’i storio.  

• Mae modd gweld dy gyfeiriad IP gan ddefnyddio gwefannau fel IP Address Lookup. 

Os nad fydd y broblem yn cael ei datrys, cymera sgrinlun o’r wefan/ap/gwasanaeth sy’n achosi’r broblem, a defnyddia’r ffurflen hon i anfon y llun at ein tîm Gofal Cwsmeriaid.