Bilio a thalu

Byddwn ni’n anfon dy fil i ti drwy e-bost unwaith y mis (oni bai dy fod yn gofyn am filiau papur, sy’n opsiwn ychwanegol). Bydd y bil yn dangos holl fanylion y costau, gan gynnwys unrhyw ostyngiad a threth ar werth.  

Byddi di’n cael bil am dy wasanaeth Ogi gan amlaf fis ymlaen llaw, a bydd dy ddebyd uniongyrchol yn cael ei wneud ar ddyddiad dy fil neu’n agos at y dyddiad hwnnw. Bydd dy fil cyntaf yn wahanol i’r rhai sy’n dilyn, gan y bydd yn fil am y diwrnodau ers i ti gael dy gysylltu, yn ogystal â dy fis nesaf ymlaen llaw.

Os bydd rhywbeth ar dy fil nad wyt ti’n siŵr amdano, hola ni ar bob cyfrif drwy anfona neges i ni neu ffonio 029 2002 0550. 

Bydd dy Fil yn cael ei yrru at dy gyfeiriad ebost (oni bai dy fod ti wedi gofyn am Fil papur, am gost ychwanegol) a bydd yn cynnwys dy holl gostau yn y cyfnod, yn cynnwys costau dy wasanaeth band eang.

Bydd ein biliau am gyfnod o 1 mis, oni bai mai hwn yw dy Fil cyntaf, a bydd yn dechrau o ddyddiad cychwyn y gwasanaeth hyd at ddiwedd y mis wedyn.

Bydd y cyfanswm yn dod o dy gyfri trwy ddebyd uniongyrchol ar neu tua’r dyddiad ar y Bil. Bydd unrhyw ostyngiadau i’w gweld ar y Bil, gyda disgrifiad, a byddwn yn esbonio hefyd os mai gostyngiad untro neu rheolaidd ydyw.

Os wyt ti’n pryderu am dy Fil, ffonia 029 2002 3200 neu ebostia cymraeg@ogi.cymru.

Mae’r Gwarant Debyg Uniongyrchol yn gwarchod cwsmeriaid presennol a newydd yn llawn. Mae pob Banc a Chymdeithas Adeiladu sy’n derbyn cyfarwyddiadau i dalu Debydau Uniongyrchol yn cynnig y Gwarant hwn.

Os oes newidiadau i swm, dyddiad neu amlder dy Ddebyd Uniongyrchol byddwn yn rhoi gywbod i ti 10 diwrnod busnes cyn i’r arian ddod o dy gyfrif neu fel y cytunwyd rhyngom. Os wyt ti’n rhoi cais i ni gasglua taliad, yna bydd cadarnhad o’r swm a’r dyddiad yn cael ei roi i ti ar adeg y cais. Os gwneir camgymeriad gyda dy daliadau Debyd Uniongrychol, gennym ni neu dy fanc, yna mae gen ti hawl i ad-daliad llawn o’r swm a dalwyd o dy Fanc neu Gymdeithas Adeiladu, a hynny’n syth. Os wyt ti’n derbyn ad-daliad nad oes gen ti’r hawl iddo, yna mae’n rhaid i ti ei ad-dalu i ni pan fyddwn ni’n ei hawlio.

Gelli ganslo Debyd Uniongyrchol unrhyw bryd trwy gysylltu â’th Fanc neu Gymdeithas Adeiladu. Efallai y bydd angen cadarnhad ysgrifenedig arnat. Rho wybod i ni os gwelwch yn dda.

Plis rho wybod i ni ar 029 2002 3200 neu cymraeg@ogi.cymru.

Os ydyn ni wedi ysgrifennu atat ti i ofyn am daliad ond ddim yn clywed yn ôl, fe wnawn ni geisio cael gafael arnat ti drwy’r ffôn neu’r e-bost i drafod pethau ymhellach. Os na fyddi di wedi gallu ein talu o hyd (neu’n cytuno ar sut i’n had-dalu), bydd cyflymder dy fand eang yn cael ei ostwng i 3Mbps, a fydd yn ddigon o hyd ar gyfer pori sylfaenol ac anfon e-byst. 

Byddwn ni’n rhoi’r wybodaeth ddiweddaraf i ti ym mhob cam, gan gynnwys y camau nesaf. Yn y pen draw, fe allai hynny olygu canslo dy wasanaeth Ogi os nad oes modd i ti setlo dy gyfrif neu gadw at unrhyw gynllun ad-dalu y byddi di wedi cytuno arno. 

Wrth gwrs! Cysyllta ’da ni i newid dy ddyddiad bilio i un sy’n fwy cyfleus i ti.  

I ddiweddaru dy fanylion talu, ffonia ni ar 029 2002 0550. 

Os bydd angen i ti wneud taliad unrhyw bryd, heb ddefnyddio debyd uniongyrchol, dyma fanylion ein banc:

Enw’r Cyfrif – Spectrum Fibre Limited
Cod Didoli – 30-91-89
Rhif y Cyfrif – 32691660 

Defnyddia rif dy gyfrif Ogi fel y cyfeirnod. 

Os bydd taliad debyd uniongyrchol yn methu, fe rown ni gynnig arall arni os gallwn ni, neu bydd angen i ti gysylltu ’da ni i’n helpu i greu mandad newydd.